بجد موضوع لذيذ ويارب يعجبكم

في حاجه دايما في الأنسان بالذات الانسان العربي انه مبيحبيش يكون سعيد لوحده بمعنى ان لو الناس اللي معاه فرحنين تلقيه تلقائي فرحان ولو كان اللي معاه حزنانين تلقيه برده حزين معاهم

انا مثلا حصل معايا موضوع الأسبوع اللي فات روحت فرح واحد زميلي وكنا في غاية الفرح وبنضحك وبنرقص و المشكله لما تيجي تسأل واحد فينا تقوله انت مبسوط ليه او فرحان ليه يقولك عشان انهرده فرح زميلي يعني هو مش فرحان من نفسه يعني لو مش فرح زميله مكنش حيكون فرحان ولا سعيد ... المهم خلصنا الفرح وزميلي خد عروستوه وسافروه على اسكندريه وهم في هناك ضربت في دماغهم انهم يسافروا بره جهزوا اورقم بسرعه رهيبه وطلعوا على هولندا وهناك أصروا انهم يتصورا على كوبري من الكباري فكانوا تلاته العريس وعروسته واختها وكانت الساعه 5 الفجر فقعدت العروسه على سور الكوبري والعريس واقف جنبيها واخت العروسه بتصورهم وفجأه حصلت شوية عواصف وجيه عليهم هوا شديد راح موقع العروسه في النهر وللأسف العريس مبيعرفش يعوم و نط وراها عشان ينقذها وبدل ما ينقذها هي غرقته ومات للأسف واحد من أعز اصدقائي وعروسته بعد تقريبا اسبوعين من جوازهم وبالطبع كلنا كنا في غاية الحزن والأسى ولما الواحد يسأل نفسه انا حزين ليه حيلاقي الأجابه انه حزي عشان اللي بيحصل لغيره وده انا مش لاقي ليه تفسير غير انه نوع من المحبه الموجوده بين الناس بس ليه لما الواحد بيعرف ان في ناس غريبه عنه وميعرفهومش بتموت موت رباني ليه الواحد مبيزعلش عليهم زي ما بيزعل على قريبوا او اصدقائه كذلك في الأفراح ؟؟

انا لغاية النهارده مش لقاي سبب للحزن خالص حتى لو حصل ايه
لأن كل الناس بتقول ان الحزن بيعجل بسن الشيخوخه وبيخلي الأنسان يبان عليه الكبر وتلاقي شعره يبيض وحاله يبقى حال .
فياريت لما الواحد يحصله اي مصيبه ياريت يكون انسان قوي ويؤمن بالي حصل لأن حزنه مش حيرجع اللي حصل بل بالعكس حضره واحنا ياما سمعنا ان في ناس ماتت لما عرفت ان في ناس من قريبها ماتت طب ليه الرسول صلى الله عليه وسلم لما توفي ابنه ابراهيم قال ان العين عليك لدمعت وان القلب لحزن وان على فرقك يا ابراهيم لمحزونين بس لكن مش نموت نفسينا وبعدين المفروض اننا ندعيله مش نعيط عليه
فياريت وده اللي بجد نفسي فيه ان الناس تكون دايما سعيده وفرحانه وميدوروش غير على كل شيء فيه سعديتهم وفرحهم
ويارب دايما يديم علينا الأفراح
شكرا

وياريت اسمع تعليقكم على الموضوع ده

يعني بصراحه
الحزن في الدنيا اكتر من الفرح
الحزن لانو بتعرف انو هاد الشي ما راح يرجع فانت بتحزن لانو ما راح يرجع
وانت اكيد راح نفسيتك تصير زي الناس الي قاعد معهم
يعني نفسية كل القاعدين بتكون وحده ازا كانو بحسو في بعض
وليه بفرح كتير راح تيجي ايام صبراحه يحزن كتير اكتر من الي ضحك فيه
انا بصراحه ما بنصح حدى ينبسط كتير في الدنيا لانو ما بتعرفو شو الي راح يجي

بصراحه حلو الموضوع
ميرسي بجد على الموضوع الجميل وبتمنى اشوف اراء غيري كمان