هههههههههه ليش دايما الشياب نصابين

ليش الشيبان دايم نصابين (قصه من الواقع بيني وبين البابا) :..+..

مثل مهو مبين بالعنوان الشيبان دايم سوالفهم اغلبها نصب ×نصب
واذا جا يستشهد بشخص اما انه يذكر اسم شخص غريب (كأني اتكلم عربيه فصحى!!!!)
او يقولك فلان ابن فلان الله يرحمه !!!!يعني ما يقولك اسم واحد تعرفه وعايش

السالفه هذي صارت لي مره عندنا عزيمه بالبيت (قل والله)
المهم وانا مسوي نفسي رجال لأني مليت من كلام ابوي المعتاد <متى تبي تصير رجال العالم كل مالها تكبر وانت ترجع تصغر يا الهيس ليه ما تصير مثل عيال عمك> المهم قلت اليوم ابي اجلس عنده واساعده ولا اطلع للأمبراطوره( للأحاطه الامبراطوره هذا مقهى على طريق القصيم بالرياض يجتمع الدشير فيه ويعسلوون ولا تسمع في هذا المقهى سوى كلمة ياااااااا ولد جمر ياااااااا معلم ويييييين الجمر )


وفي خضم صب القهوه (حلوه خضم )
جا الوالد زاحف على البيبان ومطفي الانوار ومولع الفلشر

وقال::
هكا السنه يوم انا مسافر لحايل بالسياره تعطلت السياره علي
ونزلت من السياره

يجي اخوي الصغير مخترق الصفوف مشرئب العنق (( والله مدري وش معناها بس راز خشته )) وقال .. انت ناديت قرندايزر يصلح سيارتك ؟؟؟!
ابي يجاوب باحدى الطوفريات على جبهته علمته ان الله حق ومفادهاا اسكت لأجي اتوطا في بطنك وقم ضف وجهك


ويــــكــــمــــل ابـــتــــــــــــــــااااه ...
نزلت وحاولت اظبط السياره وما اشتغلت واجلس لحالي
<===وفجأه اقاطع سالفة ابي واقول : الساعه كم كان الوقت
قال لي بعد بقس خطافي كانت الساعه9 بالليل
وكان الجو بارد وشبيت لي نار اتدفا انتظر احد يمر من الطريق (يا يبه طريق الرياض القصيم ما يفضي الله يجزاك خير )



واذا بي اسقط مغشياً علي (ابوي يقول لسيبويه وش عرفك باللغه العربيه على ها الكلمه)
قاطعته انا ابي اقولهم العشا جاهز 0000قلت لهم تفضلو واستروا على ما واجهتم فا بدأ يصرفها ابوي ويضحك واحس انه يقولي هين انا اوريك
فلما دخل المعزومين الى المقلط مسكني عند الباب ابوي وقال لي نفس كلامه اللي فوق واللي هو
<متى تبي تصير رجال العالم كل مالها تكبر وانت ترجع تصغر يا الهيس ليه ما تصير مثل عيال عمك >
عاااد اسمع يابوالشباااب (( خربهاا ))


بعذرك لو انك ساحبني معك الا هنا ما تبيني افشلك قدامهم لكن لو انا عندي ولد زيك كان تبرعت فيه الى هيئة الاغاثه (يؤييؤيؤيؤ خربها الملكي)
والله ويعصب ابوي ويفصخ الثوب طلع لابس تحت الثوب لابس بدلة الكونغ فو وحزام اسود والله لايوريكم استلمني انواااع الررركب والتشويت والتسطير وتفقيع الوجـه والترفيع والتنزيل .. والله ياهو افترى فيني ويجتمعون علينا المعازيم


وابوي يوم شافهم بدا يتفنن بالضرب يرمينن على الجدار وارجع له ويلكمني لكمات تحت الحزام وطحت على الارض داااااااااااااايخ
ينـط عمي ويمسـك يـدي ويرفعهاا اول مره وطاحت .. ويرفعهاا ثاااني مره وطاااحت .. ويرفعهاا ثاااالث مره وطاااحـ.... لا لا لااا رفـعت يـدي وقمت أشر لهم بصبعـي
ويوم شافوني المعازيم سويت هالحركـه كلهم يتحمسون ويشجعون ... عـليـــهـم .. عـليــــهـم (( لاقينهاا مصارعـه عالطبيعه ))
طبعاً قمت متحمس انا لكن لقيت ابوي مطلع السلاح السري ((الزبيريه))
وانا استسلم
تعبت وانا اكتب يا جماعه

يا جماعه لحد يصدق ترون كلها خيال ×خيال


المــــوضوع هذا قديم لي بس صراحه عاجبني قلت انزله عندكم