ياخاين ارحل عزّم القلب ينسـاك**خلاص أنا بنساك وعنـك تخلّيـت
ياما سهر قلبي وكل همه إرضـاك**وياما ظلمت القلب وابحقي أخطيت
كم يوم كان القلب طب(ن) لشكواك**وكم اشتكى قلبي ياقاسي وصديـت
ماني بقايل لك عسى النار تجزاك**أرحم عظامـك لبجهنّـم تهاويـت
وماني بقايل لـو تعـذرت حيّـاك**ابعد لأنـك بالخطـا قـد تماديـت
ان رحت عنك جيتني تسبق اخطاك**وان جيت لك صديت عني وتغلّيت
اشقيتنـي وانـا أحبـك وأهـواك**أشقيت انا نفسي لااجلك وضحيت
أرخصت لك عمري ولا فاد وإياك**وهبت لك قلبي وروحي لك اعطيت
وجازيتني بالصد وزادت خطايـاك**صدقت فيني حكيهـم ثـم جافيـت
واليوم أنا عزمت ياخاين أنسـاك**خلاص أنا ياخاين العهـد مليـت
اعلانات 
ياخاااااااااين
